КАЈРОН 2 - Велосипедско дефиле во Скопје

Велосипедско дефиле ќе се одржи денеска во Скопје во рамки на Европската недела на мобилност. Старот ќе биде пред Порта Македонија во 10:30 часот.

На дефилето ќе присуствуваат заменик-министерот за животна средина, Стево Темелковски, раководителот на секторот за соработка во ЕУ, Мартин Клауке и градоначалникот на Скопје, Коце Трајановски.

Велосипедистите ќе се движат по следната маршута Порта Македонија – ул.„Димитрие Чуповски“ - бул. „Климент Охридски“ – бул. „Партизански одреди“, се врти кај Влае-кружниот тек – бул. „Партизански одреди“ – бул. „Илинденска“ - Школка, Градски Парк во должина од 10 километри.

Во рамки на дефилето ќе биде организирана забавна програма и ќе бидат извлечени добитници на велосипеди како симбол на користење алтернативни превозни средства.