Кампања на СВР Скопје за среќна и безбедна 2017 година

Со цел  да се обезбеди безбедност и да се одржи јавниот ред и мир во пресрет на новогодишните и божиќните празници, Одделението за превенција при СВР Скопје денеска ќе ја реализира кампањата  “Среќна и безбедна 2017 година - во семејно и пријателско дружење“.

Кампањата се организира со намера да им се укаже на граѓаните за опасноста од употребата на пиротехничките средства и можните последици од неодговорно однесување, но и да промовира прифатливо и пожелно однесување за време на празниците.

Како што информираат од МВР, целта на овој настан е подигање на свеста кај граѓаните, особено кај малолетната популација, за опасноста од употребата на петарди и друти пиротехнички средства и намалување на бројот на повредите од нивната употреба.