Карчовски: Гледајќи го почетокот на кампањата, на прва ми доаѓа една грижа - А каде е Лисиче?!?
Јован Карчовски на својот фејсбук профил сподели објава во која го анализира прашањето со населбата Лисиче за која како што вели е далеку од урбанизирана и средена.
- Гледајќи го почетокот на кампањата (која официјално не е ни почната!), на прва ми доаѓа една грижа: А каде е Лисиче?!? Повеќепати во текот на изминатата година се залагав за создавање на долгорочен и сеопфатен концепт за развој на општина Аеродром. За Аеродром за 21-ви век! Нам во Аеродром ни треба еден вид на партнерство, или договор за иднината, кој нема да се менува во зависност од тоа кој е на власт. Тоа партнерство најпрво треба да почне со решавање на внатрешните вештачки поделби помеѓу урбаниот дел на Аеродром и Лисиче. Едноставно е, Аеродром и Лисиче треба да си подадат рака и рамо до рамо да одат напред кон иднината. Аеродром е голема општина по површина. Но урбаниот дел од Аеродром е пренаселен, а Лисиче е далеку од урбанизирано и средено, вели тој.
Карчовски се надева дека кандидатите за градоначалник ќе ветат конкретни проекти и визија за развој на Лисиче.
-Сакам да кажам дека на Лисичани им е дојдено преку глава од предизборни ветувања. И затоа убеден сум дека на овие избори тие мнооогу внимателно ќе измерат кому ќе му ја дадат довербата. Лисичани ќе бараат конкретни проекти, со прецизни рокови и беспрекорна реализација. Лисичани не забораваат, и не простуваат, заклучува тој во својот коментар на фејсбук.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп