Картичките за зелена нафта од денеска се распределуваат и во Кавадарци

Картичките за зелена нафта од денеска се распределуваат и во Кавадарци, информираат од Подрачната единица на Министерството за земјоделство, шумарство и водостопанство.

Како што информираат оттаму, и оваа година мерката зелена нафта е субвенционирана со 50 проценти од вкупната вредност.

– На територијата на Кавадарци и Росоман вкупно се опфатени 4 419 картички за зелена нафта со вкупна вредност од 21 891 624 денари или над 355 000 евра, велат од подрачната единица.

Земјоделците своите картички за зелена нафта може да ги користат до 30 април 2022 година.