Кери в четврток во дводневна посета на Москва

Државниот секретар на САД, Џон Кери во крајот на неделата ќе ја посети Москва каде со руски официјални представници ќе разговара за Сирија, Украина, Нагорно-Карабах и други теми, соопшти Стејт департментот.

Кери ќе допатува во Москва од Париз каде в четврток ќе присуствува на одбележување на француски национален празник.

Руското МНР соопшти дека Кери ќе биде во Москва на 14 и 15 јули. Тоа ќе биде четврта посета на Кери на Русија од мај 2015 година и според МНР на Русија, се очекува посетата да ја подобри атмосферата во односите меѓу Русија и САД.