Коцијанчиќ: Не постои писмо испратено од Хан до македонските политички лидери

Комесарот за преговори за проширување на Европската унија, Јоханес Хан не испратил никакво писмо до македонските политички лидери во кое наводно бара да се договори одржување на лидерска средба во Брисел или во Виена, јави дописникот на МИА од Брисел.

Ова во изјава за МИА денеска го потврди портпаролката на Европската комисија, Маја Коцијанчиќ, според која пишувањето на некои македонски медиуми дека Хан испратил такво писмо до Никола Груевски, Зоран Заев, Мендух Тачи и Али Ахмети е едноставно невистина.

- Нема писмо и не можам да претставам никаква супстанца од него, бидејќи не постои. Но, она што постои се елементи кои се искажани во детали во изјавата што беше објавена пред неколку дена и тоа ја претставува нашата позиција и нашиот пристап, истакна Коцијанчиќ.