Колона руски тенкови се движи кон границата кај Харков | ВИДЕО

Голема колона тенкови се движи кон границата со Украина, односно кон Харков, јавува Си-Ен-Ен. Си-Ен-Ен претходно објави дека најголемата тепачка денеска е околу Харков.

„Ова е нешто што го гледаме цел ден. Сè повеќе тенкови и друга тешка воена опрема се движат кон линијата на фронтот“, рече дописникот на CNN од Белгород, Русија.

Тој рече дека денеска слушнале повеќе звуци на ракетни фрлачи отколку во изминатите денови.

Претходно висок претставник на американската одбрана изјави дека руските сили се соочуваат со „најжесток отпор“ на нивната инвазија на северна Украина во две области: кон Киев и кон Харков.