Концерт на виолистот Блерим Груби
Македонскиот виолист Блерим Груби вечер од 20 часот ќе одржи концерт во Камерната сала на Филхармонијата, со кој ќе одбележи триесет години уметничка дејност. На програмата се дела од Бах, Шостакович, Шуберт, Бекири, Зографски, Брамс…
На концертот ќе настапат тројца студенти по виола од неговата класа на Приштинскиот универзитет „Хасан Приштина“ (Лирдина Кукај, Ентела Чаркаџија, Алкеста Глоџани), пијанистите Валтон Бекири, Марија Вршкова и Нита Груби и виолинистката Сихана Бадивуку.
Своето музичко образование Груби го стекнал во родниот град Скопје, каде што дипломирал и магистрирал на Факултетот за музичка уметност во класата на проф. Љубомир Господинов (1989). Посетувал мајсторски курсеви кај познатиот светски виртуоз на виола Јуриј Башмет.
По студиите почнал да работи во Филхармонијата, а во исто време ја развива и солистичката дејност, како и камерното музицирање, и редовно настапува во реномирани ансамбли и на фестивали во земјите на поранешна Југославија, Италија, Германија, Австрија, Шпанија, Португалија, Норвешка, Јапонија, САД…
Покрај на универзитетот „Хасан Приштина“, професор е и на Универзитетот во Тетово. Во 2016 година му е доделена Државна награда од претседателот на Косово за работа и придонес во културата и образованието.
Ново на Сител
-
Српско МВР: Се утврдуваат фактите и околностите под кои во полицијата починал Д.Д. осомничен за случајот со Данка И.
-
Гордана Сиљановска Давкова го доби Уверението од ДИК за претседател на државата
-
ЦУК: На 112 изминатото деноноќие 1951 повик, меѓу кои и за спасување жена падната покрај пат
-
САД испраќаат нов пакет воена помош за Украина вреден 400 милиони долари
-
Извозот на компаниите од ТИРЗ во април 300 милиони евра
-
Гордана Сиљановска Давкова и официјално претседател на државата, ДИК објави конечност на изборните резултати
-
Партијата на пензионери ја честита изборната победа на Коалицијата „Твоја Македонија“
-
ДИК треба да објави конечност на резултатите од претседателските избори и потоа да достави извештај до Собранието