Координаторите на ВМРО-ДПМНЕ и АА и Алтернатива се вратија на редовните средби со Џафери
Во Собранието на Република Северна Македонија се очекува утре да се одржи продолжението на 34. седница, а нова седница ќе биде закажаа на 23 март. Ова е дел од договореното на денешната редовна понеделничка средба на координаторите на пратеничките групи со претседателот на Собранието Талат Џафери, на која првпат по неколку месеци беа и координаторите на пратеничките групи на опозициските ВМРО-ДПМНЕ Никола Мицевски и на Алијанса на Албанците и Алтернатива Скендер Реџепи.
Мицевски за МИА потврди дека тие присуствувале на координацијата откако претседателот на Собранието Џафери на минатата седница го повлекол од дневен ред предлогот за онлајн вклучување на пратеници поради Ковид-19 или во изолација.
Според информациите од Собранието, утре е договорено да продолжи 34. седница и да се гласа за веќе завршените точки на дневен ред, како и за оние за кои ќе помине дебатата, како што најави Џафери минатата недела. На денешниот координативен состанок не било соопштено дали има пратеници со Ковид или најавиле отсуство, сепак се остава простор и за такво нешто имајќи ја предвид состојбата со пандемијата. Собранието неделава и во деновите потоа треба да ги продолжи и заостанатите седници, а паралалено веќе се закажани седници на собраниски комисии.
Интерпелациите на министрите што треба да се одржат на барање на опозициските партии најверојатно ќе бидат на дневен ред на седница што би требало да биде закажана за 23 март, но датумите за дебата ќе треба да се договорат вообичаено со министрите. Барања за отповикување има поднесено за министрите за права и за внатрешни работи Бојан Маричиќ и Оливер Спасовски, како и за вицепремиерот Љупчо Николовски. На оваа седница на дневен ред ќе бидат ставени и сите други закони за кои што ќе се исполнат услови.
На редовните координативни средби со Собранието предвидено е да присуствуваат претседателот и потпретседателите на Парламентот, координаторите на пратеничките групи, како и генералниот секретар или други вработени од собраниските служби.
Ново на Сител
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ