Коронавирусот продолжува да се шири во Кина
– Коронавирусот продолжува да се шири во Кина. Земјата е зафатена од најлошиот бран на инфекции со Ковид-19 од почетокот на пандемијата, јави ДПА.
Нови 5.154 инфекции беа евидентирани во земјата во текот на вчерашниот ден, според денешниот извештај, поставувајќи нов максимум во сегашниот бран на коронавирус.
Нови инфекции се регистрирани во 20 региони во земјата, а провинцијата Џилин во североисточна Кина и понатаму е најтешко погодена со откриени 4.067 нови инфекции.
Во Пекинг, Шангај и во Шенжен, исто така, има нови лица заразени со вирусот.
Шенжен и Чангчун, главниот град на провинцијата Џилин, се моментално се во локдаун, што, исто така, ја погодува економијата.
Во Чангчун, производителот на автомобили Фолксваген мораше привремено да прекине со работење во три фабрики, каде работи заедно со кинескиот партнер FAW.
Во Шенжен, добавувачот на Епл, Фокскон, го запре производството во својот погон.
Кина спроведува строга нулта-Ковид стратегија, реагирајќи на локални епидемии со локдаун, масовно тестирање, рестрикции во транспортот, како и карантини.
Ново на Сител
-
Албанија ќе почне со производство на оружје и муниција
-
Албанската полиција почна контрола на целата територија и државната граница со беспилотни летала
-
Едно лице загина, повеќе се повредени на лет од Лондон кон Сингапур по големи турбуленции
-
Михаил Гацов освојува злато за Италија и сонува да се бори за Македонија
-
Директорката Иљази им забрани на вработените да даваат изјави за медиумите
-
Безживотно тело на маж извлечено од водите на Вардар во центарот на Скопје
-
Земјоделци од селата Иловица и Штука го блокираа патот заради ниските откупни цени на младиот компир
-
Намален бројот на превезени патници во патниот сообраќај во првиот квартал