Кошаркарски куп: Финале Карпош С.-Фени И.
Карпош Соколи и Фени индустри во недела ќе се борат за трофејот во кошаркарскиот Куп на Македонија. Карпош Соколи во првото полуфинале го совладаа Работнички 92:78, додека Фени приреди вистинска сензација со елиминацијата на бранителот на трофејот МЗТ, откако славеше со 80:79.
Карпош Соколи го повторни минатогодишниот успех со пласманот во финалето и в недела ќе се бори за својот прв трофеј во Купот. Искуството и „подолгата“ клупа беа пресудни за победата на „соколите“ над Работнички.
Мавра беше прв играч на натпреварот со 27 поени и осум асистенции, а кај Карпош го следеа Трајковски со 17 и Лабовиќ со 15 поени. Ветеранот Тасовски беше најефикасен во редовите на Работнички со 23 поени.
Второто полуфинале донесе сензационална победа на Фени над бранителот на трофејот МЗТ иако скопскиот тим на 24 секунди до крајот на натпреварот имаше предност од четири поени 75:79.
Дуелот кој донесе многу пресврти и кој мина во знакот на повредата на плејмејкерот на МЗТ, Ван Остром, го решија Чешковиќ со тројка и Николовски со два поени во последните 24 секунди од натпреварот. Последниот напад на мечот го имаше МЗТ, но Дреновац не успеа да го заврши со поени.
Некогашниот капитен на МЗТ, Николовски со 22 поени го предводеше Фени до големата победа.
Ново на Сител
-
Путин 4,5 часа одговараше на политички, но и на лични прашања
-
Милановиќ: Хрватска треба да го гледа својот интерес и да не се пука во Коалицијата на подготвените
-
Најмалку тројца загинати при нападот во Тајпеј
-
Сопственикот на TикТок во Кина ја предава мнозинската контрола врз апликацијата на американски инвеститори
-
Првообвинетиот за убиството на турскиот државјанин во Штип призна вина
-
За Бериша Парламентот не постои и најави штрајкови со глад
-
Затаен данок од над еден милион евра од трговија со злато и накит, истрага против две лица
-
Мицоски: Не сум човек што сака цензурирање или закани, за мене Македонија е свето име
