Ковачевски: Да се почитуваат правата и способностите на секој поединец

Премиерот Димитар Ковачевски денеска, преку својот фејсбук профил, испрати порака по повод Светскиот ден за подигање на свеста за аутизмот, 2 Април.

-Сите ние сме различни. Се разликуваме по боја на очи, висина, пол. Се разликуваме по карактер, вештини, стравови, омилени нешта. И на случувањата околу нас секој може да гледа различно. Денеска, на 2 април, Светскиот ден за подигање на свеста за аутизмот, испраќам порака за почитување на правата и способностите на секој поединец и избегнување на дискриминација, етикетирање и стигматизација, наведува Ковачевски.

Премиерот истакнува и дека Владата што ја предводи, посветено работи на системски пормени за социјална инклузија и прифаќање на различноста.