Лажливите медиуми на Заев продолжуваат грубо да манипулираат со јавноста
Сдсмовските и соросовите медиуми и портали како Телма, Плусинфо, Либертас и останатите сателитски опозициски портали продолжуваат грубо да лажат во обидот да ја манипулираат јавноста, одработувајќи за стратегијата на СДСМ и Зоран Заев за фабрикување на лаги.
Премиерот Никола Груевски доцна синоќа оствари средба со претставници на дипломатскиот кор во земјава на која беше истакната посветеноста за реализирање на договорот од Пржино. Опозициските медиуми и соросови портали се обидоа да ја извртат конструктивната изјава на италијанскиот амбасадор во земјава Ернесто Масимино Белели, дека имало наводен притисок кон премиерот Груевски и власта.
-Бевме тука да го изразиме нашиот став до Владата и нашите гледишта. Немам посебна изјава вечерва, само ја изразивме ургентноста да се најде решение. Ви благодарам, ќе информираме во иднина, во зависност од средбата на лидерите, гласеше конструктивната изјава на Белели.
Споменатите лажливи медиуми кои работат за Зоран Лагата Заев пласираа дезинформации дека наводно имало притисок, шамарења,предупредувања од дипломатите кон Владата. Сепак, реалноста е дека на средбата била истакната заложба кон изнаоѓање на решенија за надминување на предизвиците во врска со имплементација на договорот.
-Премиерот Груевски ја истакна посветеноста кон договорот и реализирање на обврските суштински и принципиелно и неопходноста од еднаква посветеност на сите инволвирани страни, стои во соопштението испратено синоќа од владината прес-служба.
Лагите за шамарите пласирани од сдсмовската Телма и другите соросови портали се еднакви на лагите за посетата на Заев на Израел и лагите поврзани со првиот човек на ЕК, Жан Клод Јункер. Сдсмовските медиуми и портали доживуваат климакс, шират лаги кои се предмет на потсмев не само меѓу македонската јавност, туку и меѓу дипломатскиот кор.
Ново на Сител
-
Претпладне сончево, попладне локален пороен дожд и грмежи
-
Коалицијата „Европски фронт“ поднела тужба пред Управниот суд на решението на ДИК за прегласувањето во Желино
-
Македонските иселеници од Италија благодарни за честа искажана од претседателката Сиљановска Давкова
-
Претрес во Скопје, приведени двајца дилери
-
Мицотакис: Очекувам јасна изјава од новиот премиер дека името е Северна Македонија и ќе го користи во и вон земјата
-
Папата употребил навредлив термин за геј популацијата, Ватикан експресно се извини
-
Царинска управа на Србија: На преминот Прешево спречен шверц на черепи на девет дивокози и од волк
-
Средба на Мицкоски со Мануел Сарацин, потенцирана важноста за реформските процеси