Лажна дојава за бомба во Кратово

Лажна е дојавата за бомба која преку смс ја добила вработена во кабелски оператор во Кратово.

„Денеска (28.02.2024) околу 10.35 во СВР Куманово, вработена во кабелски оператор во Кратово пријавила дека преку смс порака добиле закана за поставена експлозивна направа. Веднаш по добиената пријава, од полициски службеници се преземени мерки и извршена е проверка на локацијата, по што е констатирано дека се работи за лажна пријава“, соопшти МВР.

Се преземаат мерки за расчистување на случаите, по што, во координација со јавен обвинител, ќе бидат поднесени соодветни пријави.

Инаку, денеска дојави за поставени експлозивни направи имаше во охридско училиште и фабрика.