Либискиот командант Хафтар прогласи победа во Бенгази
Водачот на самопрогласената Либиска национална армија (ЛНА), генерал Калифа Хафтар, соопшти дека неговите вооружени сили го ослободиле источен Бенгази, по неколкугодишна борба со исламистите.
- Градот сега влегува во нова ера, во време на безбедност, мир и помирување, изјави Хафтар, кој себе се смета за фелдмаршал.
Доколку ова соопштение се покаже како точно, тоа ќе претставува значајна победа и силен напредок на политички план за овој некогашен командант и генерал на поранешната либиска армија, од времето на Моамер Гадафи.
ЛНА, меѓутоа, не е призната од исламистичката Влада во Триполи, која ја има подршката на ОН и на меѓународната заедница.
Министрите во оваа влада не веруваат во Хафтар, ниту во неговата борба, тврдејќи дека тој само сака да ја зграби власта и да воспостави автократија.
Во своето обраќање преку телевизијата, генералот изјави дека по „повеќе од три години борби со терористите и нивните помагачи и агенти, Бенгази е конечно целосно ослободен“.
Насилната смена од власт на Гадафи во 2011 година, наместо очекуваната стабилизација, Либија се претвори во зона на хаос и безвластие.
Земјата и натаму нема централна власт и со неа управуваат две влади, а нема ми Парламент и ни безбедносен систем што ја контролира целата територија на државата.
Наместо тоа, Либија стана терен за дејствување на разните исламистички милитантни групи, меѓу кои и Ал Каеда и Исламска држава, а во последните години зајакнаа и сепаратистичките сили кои заговараат одделување на источна Либија и Бенгази од другиот дел на земјата.
Владата во Триполи тврди дека генерал Хафтар е наклонет кон сепаратистичкото движење во источниот дел од земјата, од каде пред шест години и почна бунтот на исламистите.
Ново на Сител
-
Хорор во Белград: Го извадил черепот на татко си од гробница и го чувал во плакарот
-
Кремљ: НАТО ја провоцира Украина да го продолжи конфликтот
-
Спречен шверц на поголема количина производи за широка потрошувачка од Косово кон Македонија
-
ДУИ: Волјата на албанскиот народ не е играчка што припаѓа на ВМРО-ДПМНЕ
-
Груевски: Откако СДСМ ги загуби изборите монструмот Добрила Кацарска во обид да се прикаже како жртва
-
Во сабота почнува полагањето на државната матура со тестот од првиот екстерен испит
-
Општина Аеродром: ДУП-от за Лисиче предвидува само една зграда, два парка и решава важни комунални прашања
-
Приведени крадци, одземеното возило вратено на сопственикот