ОН: Либискиот привремен премиер е избран со нудење мито
Легитимноста на новиот привремен премиер на Либија, Абдул Хамид Дбеибах, е доведена во прашање во истрага на ОН, според која тој наводно стекнал моќ откако неговите приврзаници понудиле мито од дури 200.000 американски долари за привлекување гласови.
Неговите приврзаници наводно понудиле пари во хотел во Тунис каде што се состанал форум за политички дијалог, избран од ОН за избор на привремен премиер до националните избори закажани за декември, јави британскиот весник „Гардијан“.
Во истрагата се наведува дека во фоајето на хотелот почнала расправија откако делегатите откриле дека митото за нивниот глас е помало од она што било тајно понудено на другите.
Еден делегат слушнал дека биле понудени дури 500.000 американски долари.
Привремениот кабинет на премиерот ги опиша тврдењата како лажни вести наменети за нарушување на политичкиот процес.
Извештајот на ОН треба да биде објавен на 15 март, откако беше побарана истрага за наводите за мито од тогашната вршител на должноста специјална претставничка на ОН за Либија, Стефани Вилијамс.
Извештајот открива дека двајца учесници наводно нуделе мито од 150.000 до 200.000 американски долари на најмалку тројца учесници на форумот, кои ветиле дека ќе гласаат Дбеибах да стане премиер.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп