ЛШ: Металург гостува во Чехов

Македонскиот ракометен вицепрвак Металург денеска го игра третиот натпревар од групата Ц од Лигата на шампионите. Тимот од „Автокоманда“ гостува во Русија кај екипата на Чеховски Медведи.

 

Металург на двата досегашни дуели има победа и пораз, иако на загубениот дуел во Словачка избраниците на Лино Червар одиграа добро прво полувреме, но предноста ја испуштија во вториот дел кога не се снајдоа на одбраната 4-2 на противникот.

 

Чеховски Медведи во првите две кола од групата одиграа нерешено на двата дуела (идентични 28:28) и секако посакуваат конечно да ја постигнат првата победа.

 

Дуелот Чеховски Медведи – Металург почнува во 18 часот.

 

Од оваа група в сабота играат Ла Риоха – Татран Прешов и в недела Елверум – Монпеље.

 

Вториот македонскит тим во Лигата на шампионите првакот Вардар в недела гостува кај Цеље.

 

Вчера се одигра и првиот дуелот од 3.коло, а Барселона победи на гостувањето кај Флензбург со 28:27.