ЛШ: ПСЖ го потврди пласманот во Келн

Ракометарите на ПСЖ по денешниов реванш четвртфинален дуел со Загреб што заврши со резултат 32:32, ја комплетираше „четворката“ екипи кои оваа година ќе играат на „фајнл фор“ турнирот во Келн за европската шампионска титула. Претходно пласман во полуфиналето обезбедија: Киелце, Веспрем и Кил.

ПСЖ по убедливата победа на првиот дуел во Загреб од 28:20, попладнево си дозволи мало опуштање и во вкупниот резултат триумфираше со 60:52. Најефикасен на дуелот беше играчот на Загреб Златко Хорват со 8 голови.

 

Резултати на четвртфиналните дуели:

ПСЖ – Загреб   32:32 (28:20 прв натпревар)

Веспрем – Вардар 30:30 (29:26)

Барселона – Кил 33:30 (24:29)

Киелце – Флензбург 29:28 (28:28).

 

Завршниот турнир се игра во Келн на 28 и 29.мај.