Македонците од Голо Брдо бараат настава на мајчин македонски јазик
Во името на Македонците од Голо Брдо, македонското друштво „Илинден“ и неговиот огранок за оваа област, уште еднаш, овој пат до сите надлежни албански институции достави барање за настава на мајчин македонски јазик во деветолетката „10-те херои“ во село Требиште.
- Доставивме барање до претседателот Бујар Нишани, премиерот Еди Рама, спикерот на парламентот Илир Мета, министерката за образование Линдита Никола, претседателката на Комитетот за малцинства, Константина Бежани, народниот правобранител Игли Тотозани, Комесарката за заштита од дискриминација Ирма Бараку. Исто така идентично писмо упативме и до евроамбасадорот Романа Влахутин, вели Никола Ѓурѓај, претседател на „Илинден“.
Во барањето, како што вели Ѓурѓај, стои дека Македонците кои живеат во Голо Брдо биле признати како малцинство се до 1949 година, што се потврдува и од изводите издадени од албанските власти во тој период, каде стои и македонска националност.
- До таа година, што се потврдува и со документ, наставата во училиштата во Голо Брдо се изведувала на македонски јазик, со учители од Македонија. Мајчин јазик на кој се зборува во Голо Брдо е македонскиот. Децата до седумгодишна возраст не го зборуваат албанскиот и него го учат со поаѓање на училиште, стои во барањето.
Во него исто така се објаснува дека мисијата на друштвото е заштита на националниот и културен идентитет, заштита и образование на мајчин јазик на македонското малцинство во Албанија.
Ново на Сител
-
Едно лица загина во сообраќајна несреќа на патот Струмица-Валандово, кај село Костурино
-
Мицкоски: Унгарскиот претседател Орбан понудата ја даде во име на претседателствувањето со ЕУ
-
Министерство за здравство: Ќе се утврдат причините за смртта на 14-месечно бебе
-
Спасувачите трагаат по исчезнати по поплавите и свлечиштата во Јабланица
-
Досега нема кривична пријава поврзана со „Конти“, граѓаните да внимаваат при вложување пари во вакви апликации
-
Лазов: ДСЗИ ќе изврши вонреден инспекциски надзор во здравствените установи каде починатотото бебе било претходно лекувано
-
МОН: Честит 5 Октомври – Светски ден на учителот
-
Над 20 интервенции ноќеска во поплавени куќи во Тетово