Македонска Каменица доби награда за креирање добар амбиент за развој на претприемништвото
Општина Македонска Каменица доби престижна награда за креирање добар амбиент за развој на претприемништвото во Средна и Југоисточна Европа.
Наградата што ја доделува „Глобал Локал“ за градоначалничката Соња Стаменкова, значи потврда на напорите за поттикнување и разој на претприемништвото и бизнис заедницата во општината и пошироко.
– Наградата ни беше доделена во рамки на официјалната програма на Светскиот конгрес на претприемачи, што се одржа под покровителство на Владата и се доделува со цел да ја подигне свеста за локалниот економски развој. Како општина организиравме неколку настани за поттикнување на развојот на претприемништвото, меѓу кои и форуми со бизнис заедницата во регионот и пошироко. Целта секако беше давање комплетен придонес за развој на претприемачкиот дух во нашиот регион и поблиското опкружување, истакна Стаменкова.
Како што додаде, во оценката за тоа која општина ќе биде избрана се вреднувале резултатите од успешно одржување на развојот на општината, развојот на претприемништвото, што е пак основа за развој на заедницата. Наградата, Општина Македонска Каменица ја доби во категоријата „Најдобра локална заедница во 2019 година“.
Проектот за промоција и наградување на најдобрите заедници и институции за креирање добар амбиент за развој на претприемништво во Средна и Југоисточна Европа „Глобал Локал”, има за цел да ја подигне свеста за локалниот економски развој, развојот на претприемништвото и севкупниот економски и општествен развој.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри