Македонската филхармонија гостува во Њујорк
Македонската филхармонија првпат во 71 година постоење ќе настапи во Њујорк. Нејзиниот камерен оркестар денеска и утре во две престижни сали во светската престолнина ќе одржи концерти со класична и популарна музика, на кои како солисти ќе настапат Дуке Бојаџиев и Исмаил Лумановски.
Првиот концерт е вечер во музичкиот центар „Кауфман“ каде под диригентство на Борјан Цанев ќе настапи кларинетистот Лумановски. Тој потекнува од Македонија и живее во Њујорк каде што има забележителна кариера. Програмата е составена од дела на Бела Барток, Хасан Тура и од македонскиот композитор Гоце Коларовски.
Вториот концерт е утре (8 октомври) во престижниот Карнеги хол, каде ќе биде репризиран концертниот проект „Сон. Верба. Љубов“ кој во февруари годинава Филхармонијата го изведе во Македонската опера и балет со нашиот истакнат композитор со њујоршка адреса, Дуке Бојаџиев. Гости на неговиот концерт во Њујорк ќе бидат Каролина Гочева, Александар Петров и Васко Дуковски.
Гостувањето на Филхармонијата во Њујорк е поддржано од Министерството за култура. Министерката Елизабета Канческа-Милевска на прес-конференција истакна дека настанот е од особена важност за афирмација на македонското современо творештво зашто се работи за светски сцени на кои редовно концертираат најголемите музички имиња на денешницата.
Директорката на Филхармонијата Маја Чанаќевиќ на прес-конференцијата во Скопје рече дека гостувањето е остварување на голем сон и дека интересот за концертите е голем и речиси сите билети се поделени. - Одлучивме влезот за концертите да биде слободен за што поголема публика да има можност да види што има Македонија како музичко творештво и како музичко културно наследство, рече Чанаќевиќ.
По концертите на Филхармонијата, македонската култура во Њујорк оваа седмица ќе биде презентирана уште со два настана во Македонскиот културен центар. Ќе биде отворена изложба на уметниците Ацо Таневски и Ивана Пирковска и промовирано аудиоиздание со традиционални македонски изворни песни во издание на американскиот „Смитсонијан музеј“.
Ново на Сител
-
Во Белград уапсено уште едно лице под сомнение за терористичко здружување
-
Орбан: Проширувањето на ЕУ кон Западен Балкан е запрено, на европскиот блок му се потребни нови членки
-
Голем шумски пожар на планина во северниот дел на областа Атика, поширокиот регион на Атина
-
Муцунски во Дубровник на средби со Радман, Кулеба и Лајчак, интегрирањето на земјите од Западен Балкан во ЕУ во фокусот на разговорите
-
Дачиќ: Лицето што го изврши терористичкиот напад е преобратеник од Младеновац
-
ЦУК: Планинар кој паднал во провалија се здобил со тешки повреди на главата, со хеликоптер е пренесен до ГОБ "8-ми Септември" каде е констатирана смрт
-
Нимиц: ЕУ направи историска грешка што не го придвижи брзо пристапувањето на Северна Македонија во Унијата
-
Отворена истражна постапка за таткото осомничен за силување на своите ќерки и за мајката за нивно запуштање и малтретирање