Македонската туристичка понуда на 20-тиот Саем за туризам „ЕМИИТ“ во Истанбул
Македонската туристичка понуда ќе биде дел од големиот Саем за туризам „ЕМИТТ“ што од задутре до 31 овој месец ќе се одржува во Истанбул, Република Турција.
Саемот за туризам во Истанбул е една од најголемите манифестации од тој вид во регионот, со најавено учество на 4.550 туристички субјекти од 71 држава од целиот свет, меѓу кои Македонија, Аргентина, Азербејџан, Бахреин, Бугарија, Бразил, Белорусија, Франција, Велика Британија, Германија, Италија, Иран, Хрватска, Индија, Јужноафриканската Република, Грузија, Црна Гора, Кувајт, Куба, Јужна Кореја, Малдивите, Малта, Маурициус, Египет, Монголија, Летонија, Либан, Узбекистан, Русија, Словенија, Сејшелските Острови, Тајланд, Тунис, Виетнам, Јемен, Грција...
Минатата година Саемот за туризам го посетиле повеќе од 130 илјади посетители, а тоањ е дбра можност за презентација на нашата туристичка понуда пред големиот турски пазар, уште повеќе што од година во година се поголем е интересот кај туристите од Турција за Македонија, барем како дел од оние регионални туристички тури.
Според програмата на Агенцијата за промоција и поддршка на туризмот на Република Македонија, Македонија ќе биде претставена и пред посетителите на саемот за туризам „Brussels holiday fair“ што ќе се одржува во Брисел, Белгија од 4 до 8 февруари, а нашата туристичка понуда ќе биде дел и од Саемот за туризам „Holiday i spa“ што од 11 до 13 февруари ќе се одржува во Софија, Бугарија, како и на Саемот за туризам во Белград што е закажан за терминот од 18 до 21 идниот месец.
Инаку во текот на овој месец Македонија имаше свое претставување на саемот за туризам „Vakantiebeurs“ што се одржа во холандскиот град Утрехт.
Ново на Сител
-
Во Прилеп приведено лице барано со потерница
-
Најстудено во Берово и Попова Шапка, најмногу дожд во Дебар
-
На автопатот Тетово-Скопје животот го загуби 24 годишен возач од Свети Николе
-
Министерски состанок за Агендата за Западен Балкан за иновации, истражување, образование, култура, млади и спорт
-
Израелската војска соопшти дека извршила „десетици“ нови напади против Хезболах во Либан
-
Парламентарни избори во Австрија
-
Најмалку 100 луѓе го загубија животот во поплавите во Непал, 67 се водат како исчезнати, училиштата се затворени
-
Сообраќајот на државните патишта се одвива непречено