Макрон: Целта на самитот во Трст е постигнување на безбедност на Балканот

Претседателот на Франција Емануел Макрон изјави дека криминалот е еден од најголемите проблеми на Балканот и оти на самитот во Трст е постигнат напредок во контролата на лесното вооружување. 

- Франција предложи иницијатива што ќе биде спроведена и ќе овозможи подобра контрола на муницијата и лесното вооружување во регионот, бидејќи криминалот е еден од најголемите проблеми на Балканот, нагласи Макрон по повод неодамнешниот самит во Трст. 

Макрон издвои три главни теми на кои на тој состанок било посветено внимание, и кои, како што истакна, добиле значаен напредок. 

 - Првата тема е безбедноста и Франција е сега на чело на оваа иницијатива на ниво на ОН до средината на 2018 година, посочи Макрон. 

- Предложивме подобра соработка кога станува збор за складирањето на муницијата и подобра контрола врз лесното вооружување, што претставува главен проблем во регионот, и мислам дека таквиот чекор е напредок во поглед на безбедноста, наведе Макрон. 

Исто така, тој објасни дека е покрената и иницијатива за борбата против криминалот и борбата против радикализацијата. 

- Постои еден најсилен фундаментализам што тука се развива, забележа францускиот претседател.