Макрон во обид да го спаси нуклеарниот договор со Иран

Француски претседател Емануел Макрон оствари телефонски разговор со иранскиот претседател Хасан Рохани, во обид да го врати дијалогот меѓу Иран и западните партнери до средината на јули, за да се намалат тензиите на Блискиот Исток.

Макрон и Рохани разговараа повеќе од еден час, соопшти Кабинетот на францускиот претседател.

Макрон изразил „силна загриженост во врска со новото ослабување” на договорот од 2015 година, чија цел е намалување на нуклеарните амбиции на Иран.

Договорено е до 15 јули да се обидат да ги истражат условите за продолжување на дијалогот на сите страни за нуклеарното прашање на Иран.