Медумите објавија дека починала, па таа им упати новогодишна честитка

Неџмије Хоџа, вдовица на албанскиот комуниситчки лидер Енвер Хоџа, денеска лично ја демантираше веста во медиумите за нејзината смрт.

Во уводникот на весникот „Дита“ под наслов „Порака за оние кои ме умреа“, објавено е нејзиното писмо во кое таа пишува „нека се уверат сите дека сум жива“ и им упатува честитка на сите Албанци по повод Новата 2018 година.

- Ја се одмарав, спиев кога ме разбуди мојата снаа од син и ми кажа дека весниците објавиле вест за моја наводна смрт, пишува Неџмија Хоџа во писмото.

Како што јави дописникот на МИА, ова не е првпат медимуите во Албанија да објават дека 96-годишината Неџмије Хоџа починала.

Неџмије Хоџа има дебарско потекло и е родена во Битола во 1921 година.