Меркел: ЕУ е пред најголем предизвик од основањето
Германската канцеларка Ангела Меркел изјави денеска дека ЕУ се наоѓа пред најголемиот предизвик од своето основање.
– Соочени сме со голем предизвик по здравјето на луѓето, а соочени се сите земји членки. Поради тоа треба да биде во интерес на сите, а така и на Германија, од таа криза да не излеземе послаби, туку посилни, порача Меркел.
Таа на прес-конференција го најави утрешниот состанок на Еврогрупата, на кој ќе се разгледа предлогот на Советот на ЕУ, порачувајќи дека на Германија ќе и биде добро колку и на Европа.
Германската канцеларка нагласи дека во оваа криза се потврдува колку се испреплетени економиите и одговорот треба да биде само „посилна Европа, која подобро функционира во сите нејзини делови, а со тоа во сите членки“.
Таа додаде дека сите земји кои се членки на Еврогрупата се взаемно поврзани и очекува предлози од министрите за финансии за надминување на кризата.
Меркел потсети на постоењето на кризниот инструмент ЕСМ, кој содржи кредитни линии, а кои се достапни во случај на елементарни непогоди, каква што е моментно пандемијата на Ковид-19.
Ново на Сител
-
ГЕРБ победи, но е далеку до 121 пратеник за формирање влада во Бугарија
-
Советот за безбедност на ОН се очекува утре да расправа за израелските напади врз Иран
-
27 годишник од Гана силувал 32 годишна скопјанка во Кисела Вода
-
Бројот на загинати во невремето Трами на Филипините се искачи на 138
-
Во Батинци загина пешак откако бил удрен со возило
-
Израелските војници убиле висок командант на Хамас на Западниот Брег
-
Мицкоски за оставката на Комисијата за помилување: По направена грешка, ако се превземе одговорност, тогаш тоа е доблесно
-
Грција ја следи ситуацијата со балканската рута и поради опасноста меѓу мигрантите да има борци од Хамас