Меси во Барса до 2021 година, откупната клаузула неверојатни 700 милиони евра

Еден од најдобрите фудбалери во светот, Лионел Меси и официјално денеска ја продолжи својата соработка со екипата на Барселона. 

 

Аргентинецот на радост на навивачите на Барселона, попиша нов договор со важност до 2021 година. Актуелниот договор на Меси со Барселона истекуваше на крајот од тековната сезона и постоеше опасност тој веќе во јануари да почне преговори со други клубови. 

 

Неофицијално, платата на Меси ќе изнесува 30 милиони евра по сезона, со што значително ќе го мине Кристијано Роналдо со заработувачката во Реал Мадрид.

 

Воедно, каталонската екипа ја објави и сумата за откупна клаузула, па така доколку некој тим сака пред 2021година да го доведе Меси во своите редови,на Барселона ќе треба да и исплати неверојатни 700 милиони евра, или 450 милиони повеќе од клаузулата која до денеска беше актуелна. 

 

30-годишниот Меси цели 17 години е дел од Барселона, за која досега одигра 602 натпревари и постигна 523 гола, а во својата кариера освои и 30 титули.