Миење и дезинфекција на Клиничкиот центар „Мајка Тереза“
Во текот на денешниот ден екипите на јавното претпријатие „Комунална хигиена“ започнаа голема акција за миење и дезинфекција на улиците во внатрешноста на Клиничкиот центар „Мајка Тереза“ во Скопје.
Како што соопшти Град Скопје, оваа интервентна дезинфекција и чистење на улиците во рамките на Клиничкиот центар е една од серијата мерки која Градот и градските јавните претпријатија ги спроведуваат поврзани со ширењето на коронавирусот.
Во спроведувањето на денешната акцијата, додаваат, се ангажирани триесет работници што со помош на две автоцистерни и едно специјално комунално возило надградено со резервоар во кој се наоѓа посебно средство за дезинфекција, вршат рачно миење и дезинфекција на целокупниот простор. Во рамките на акцијата се спроведува миење и дезинфекција на сите садови за одлагање комунален отпад што се поставени во Клиничкиот комплекс.
– Денешната акција ја спроведуваме во пресрет на последните случувања поврзани со ширењето на вирусот Ковид-19, со цел хигиената и чистотата на просторот на Клиничкиот центар „Мајка Тереза“ да се подигне на највисокото можно ниво, со што значително ќе се придонесе за превенција од ширење заразни заболувања, изјави директорот на „Комунална хигиена“ Абдусамед Шабани.
Ново на Сител
-
МАЕИ: Се подготвува декларација за непризнавање на пописните резултати
-
Коце Трајановски назначен за в.д. директор на Јавното претпријатие за државни патишта
-
Изминатото деноноќие гореле камион, шупа, трева, депонии...
-
Молњи предизвикаа два шумски пожари на Тасос
-
Галичка свадба од 12 до 14 јули, Даријан и Стефана годинешните зет и невеста
-
Најмногу дожд во Дојран, утрово најсвежо на Попова Шапка
-
Конференција на Судскиот совет
-
СДСМ: Вистинските социјалдемократи никогаш нема да ги прифатат повиците на лажните патриоти од ЗНАМ