МЗЗПР: Случаите со вработените повредени во несреќата кај Ласкарци да се водат како несреќи на работа
Работодавачите во чии компании работеле повредените или загинатите во сообраќајната несреќа кај Ласкарци треба овие случаи да ги пријават во Државниот инспекторат за труд како несреќи на работното место, препорачуваат од Македонското здружение за заштита при работа.
Во соопштението испратено до медиумите се наведува дека ова произлегува од Законот за безбедност и здравје при работа и оти непочитувањето ќе значи прекршување на Законот и е предмет на прекршочна постапка.
Со пријавата од страна на работодавачите, повредените вработени имаат можност да им биде исплатена 100 проценти од платата за време на периодот на заздравување, а отсуството од работното место да биде заведено како „повреда на работа” со што во понатамошниот работен век доколку се појават компликации, ќе може да се утврди од каде тие потекнуваат. По враќањето на работа, неопходно е овие вработени веднаш да бидат упатени на насочени медицински прегледи за да се утврди нивната преостаната работна способност.
Од Здружението напоменуваат дека им стојат на располагање на сите повредени за понатамошни консултации на телефонскиот број 02/2774-868 или на kontakt@mzzpr.org.mk.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп