Началникот на ГШ на ВС на Унгарија на средби со генерал-потполковник Ѓурчиновски и министерката Шекеринска
Началникот на Генералштабот (ГШ) на Вооружените сили (ВС) на Унгарија, генерал-потполковник Ромулус Русин-Сенди, кој се наоѓа во дводневна официјална посета на Армијата на Република Македонија, денеска ќе престојува во Генералштабот на Армијата и Министерството за одбрана.
По церемонијата за пречек со воени почести, генералот Сенди ќе оствари средба со својот домаќин, началникот на Генералштабот, генерал-потполковник Васко Ѓурчиновски и со министерката за одбрана Радмила Шекеринска.
Тема на официјалните разговори, како што е наведено во соопштението од ГШ на Армијата и Министерството за одбрана, покрај билатералната соработка, ќе бидат и активностите во процесот на трансформација на Армијата, нашиот придонес во мировните операции надвор од земјата и ангажманот во се уште актуелната мигрантска криза и капацитетите и можностите за изведување на вежбовни активности на армискиот полигон „Криволак“.
Началникот на ГШ на ВС на Унгарија, во текот на денот ќе биде примен и од претседателот на Република Македонија и Врховен командант на ВС, Стево Пендаровски, а ќе го посети и Баталјонот за специјални сили во касарната „Илинден“ каде ќе се запознае со дел од активностите на нашата специјална единица.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација