Награди за најредовните плаќачи на вода во Македонска Каменица
ЈП „Камена Река“ од Македонска Каменица денеска ги додели наградите од наградната игра за корисниците на услугите кои редовно ја плаќаат комуналната такса.
Техничкиот директор на ЈП „Камена Река“ Влатко Димитровски информира дека во наградната игра учествувале сите оние корисници кои ја имаат подмирено комуналната такса заклучно со декември 2016 година и тоа најдоцна до 31 јануари 2017 година.
- Фондот на награди годинава изнесуваше околу 700 евра. Првата награда е телевизор, втората шестмесечна претплата, а третата е водомер. Оваа наградна игра има симболичен карактер и претставува еден вид мотивација за корисниците на нашите услуги редовно да ги плаќаат сметките, рече Димитровски.
Тој додаде дека пред секоја наградна игра редовноста на плаќањето на сметките за комунални услуги се зголемува за неколку проценти.
- До декември наплатата беше околу 90 отсто, а очекуваме да достигне до 95 отсто. Ова го покажува искуството од претходните години. Првата награда, телевизор, ја доби Гроздан Димитровски, втората Горан Митевски, а третата Малиш Петров, рече Димитровски.
Ново на Сител
-
СПМ: Не сме изненадени од изјавите на одредени домашни лица и нивното упорно користење на „северна“
-
Тешка сообраќајка на патот Кичево-Охрид, повредени три лица
-
Пронајдена неиспукана артилериска граната покрај железничката пруга во атар на село Виничани
-
Герасимовски: Пријавувајте проблеми со јавна чистота, досега пријавени 159 проблеми
-
Викендов променливо и нестабилно време, со локален пороен дожд и појава на невреме
-
Претрес во Битола, пронајдена дрога
-
ЕУ го повика Израел „веднаш“ да ја прекине воената операција Рафа
-
Два пожара на отворено регистрирани изминатото деноноќие