Најмалку 26 цивили се убиени во самоубиствен напад во Авганистан

Најмалку 26 цивили загинаа, повеќето деца и жени, а деветмина се повредени во самоубиствен бомбашки напад во градот Хост, во близина на воената база која некогаш била седиште на агентите на ЦИА во источниот дел на Авганистан, соопштија локалните власти.

Нападот бил извршен синоќа, а експлозивната направа била толку силна што го потресла целиот град Хост, во истоимената покраина на границата со Пакистан.

- Бомбашот го активирал експлозивот во автомобилот, кој се наоѓал на влезот во воената база, додека луѓето брзале кон своите домови за рамазанскиот оброк ифтар, изјави шефот на полицијата во Хост, Фаизула Гаират.