Најмалку десет лица загинаа во поплавите и свлечиштата во Шри Ланка

Најмалку десет лица загинаа денеска во Шри Ланка поради поплавите и свлечиштата, по поројните дождови. 

Осум лица загинаа во лизгање на земјиштето на неколку места во провинцијата Калутара, јужно од главниот град Коломбо, јавија локални медиуми. 

Според податоците на полицијата две лица починале поради уривање на ѕид во населеното место Макола. 

Свлечиштата се честа појава на островот во сезоната на монсуните. На голем дел од територијата на Шри Ланка е извршено сечење на шумите заради добивање на чај и каучук. Со тоа големи површини се ранливи на природни непогоди. 

Над сто лица загинаа во мај минатата година во големото свлечиште во централен регион на Шри Ланка.