Најмалку двајца загинати во протестите во Иран
Најголемите протести во Иран во изминатите децении продолжија и по Нова година и покрај одлуката на Владата да ги блокира социјалните мрежи Инстаграм и Телеграм што ги користат активистите за да организираат протести.
Иранскиот претседател Хасан Рохани призна дека општеството е незадоволно од економските проблеми, но наведе дека властите нема да се поколебаат да преземат мерки против демонстрантите за кои сметаат дека го нарушуваат законот.
Министерот за внатрешни работи Рахмани Фазли нагласи преку државната телевизија дека „тие што го злоупотребуваат кибер-просторот и шират насилства се познати и со сигурност ќе се сретнеме со нив“.
Според податоци на ирански медиуми, во протестите се уапсени околу 200 луѓе.
Властите признаа дека во судири синоќа во Доруд, на 325 км југозападно од Техеран загинале двајца демонстранти.
Заменик гувернерот на провинцијата Лорестан Хабибола Хоџастепур тврди дека полицијата не користела огнено оружје против демонстрантите.
Реформскиот весник Етемад објави дека полицијата пукала врз демонстрантите.
Американскит претседател Доналд Трамп објави на Твитер дека Иран е „државата број еден меѓу спонзорите на тероризам и каде секојдневно има кршење човекови права. Сега го прекинаа интернетот за да не можат мирни демонстранти да комуницираат. Тоа не е добро!“.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера