Најмногу дожд во Дебар, најстудено на Шапка

Во изминатите 24 часа најмногу дожд, 20 литри на метар квадратен, наврнаа во Дебар, а најмалку, два сантиметра, во Демир Капија. Водниот талог е 17 сантиметри во Пожаране, 16 во Маврово, 15 во Тетово, 12 во Крушево, 9 во Охрид, 8 во Прилеп, 6 во Скопје-Зајчев Рид, Крива Паланка и Струмица, 5 во Скопје-Петровец и Берово, 4 во Претор, Битола и Куманово, како и 3 литри во Штип, Дојран и Ѓуриште.

Како што информира УХМР, најмногу снег има на Попова Шапка, 34 сантиметри. Снежната покривка во Лазарополе е 17 сантиметри, додека во Маврови Анови 12.

Најниска температура утрово е измерена на Попова Шапка, -3, нула степени е во Пожаране и Ѓуриште, еден во Скопје-Петровец, Маврови Анови и Крушево, два во Скопје-З.Рид, Крива Паланка, Тетово и  Берово, три во Струмица и Куманово, 4 во Штип и Охрид, 5 во Прилеп, Претор, Дебар и Дојран, како и 6 во Битола и Демир Капија.

Според УХМР, претпладнево времето ќе биде променливо облачно со повремени врнежи од дожд, а на планините и на некои повисоки места од снег. Во текот на денот облачноста ќе се намали и ќе преовладува сончево со мала до умерена облачност. Ќе дува слаб до умерен, а вдолж Повардарието претпладне засилен северозападен ветер. Максималната температура ќе биде во интервал од 7до 14 степени.

Во Скопје, во раните претпладневни часови ќе има слаби врнежи од дожд, а потоа облачноста ќе се намали и ќе преовладува сончево со умерена облачност. Ќе дува слаб до умерен северен ветер. Максималната температура ќе достигне до 10 степени.