Бизнис
26. September 2020 - 16:48

Наместо работа од соништата останале без пари, измамени граѓани бараат помош од државата

Со лажни огласи за вработување измамил стотици граѓани. Под псевдонимот Црно семе, извесен Слаѓан од Битола нуди работа во Хрватска и  Црна Гора, ветувајќи  плата од  над 1,000 евра. Лицата што сакаат да заработат,  треба да му дадат 50 евра за посредување и 70 евра за автобуски карти. За да ги убеди со клиентите потпишувал и договор. Но откако ќе му ги уплатат парите,  на  Слаѓан му се губи секаква трага. 

Ми даваше мене и пасош, за да видам дека е он. Кога правевме ние муабет, он ми рече сигурно е, 100%, значи не се работи за превара. Јас дури и напуштив работа. Откако му ги дадовме парите, 100 евра му дадовме, тој ни викаше чекај за 2 дена, чекај за 3, па чекај виза. И псоле звонемв,е ништом не крева, не блокира на Фајсбук, не блокира секаде, изјави Александар Ивановски, оштетен граѓанин.

Сител стапи во контакт со Слаѓан.  Вели дека не измамил никој, но не беше расположен да одговара зошто откако ќе ги земе парите, му се губи трагата. 

Зошто пак вас да ви кажувам, што сте вие? Нивен застапник? Ако сте запстаник, дајте да видам полномошно, Нема што вас да ви одговарам?Јас со нив си имам работа, не со вас.., изјави Слаѓан Карабелески

Но луќето велат дека не сте им кревале телефон и сте ги блокирале. Зошто?

- Зошто пак вас да ви кажам?, додава Слаѓан.

Во меѓувреме, по огласите на социјалните мрежи може да се види дека сега посредува за работа во Германија.

Измамените граѓани побарале помош од Полицијата. Сакале да го пријават, но велат дека службениците  им рекле оти нема да има никаков ефект.

Од МВР за Сител велат дека е добро граѓаните да ги пријават ваквите измами. Без разлика на сумата која им била побарана ќе постатап по случајот бидејки се работи за измама. 

Додека ја чекаат полицијата да постапи по случајот, оштетните преку социјалните мрежи упатуваат предупредување до сите кои бараат работа преку интернет. Фотографиите на Слаѓан и неговите соработници се објавени во повеќе групи со цел да го намалат бројот на нoвите  жртви.