Нападот во Турција извршен од територијата на ИД во Сирија

Турски воени радари покажуваат дека денешниот ракетен напад врз турскиот град Килис на југоистокот на земјата, во кој денеска загина едно лице, е извршен од територијата во Сирија која ја контролира Исламска држава, објавија турски воени извори.

Турската војска за тој напад се одмазди на џихадистите „со иста мерка“, изјавија изворите.

Канцеларијата на градоначалникот на Килис соопшти дека ракета од Сирија го погодила средното училиште „Ејуп Гокче“ во градот, при што загинала една жена вработена во училиштето, а една ученичка е повредена.

Ученичката е префрлена во болница на операција, се наведува во соопштението.

Претхдно беше соопштено за двајца загинати и повеќе повредени.

Уште две ракети, за кои исто така се претпоставува дека се истрелани од територијата на Сирија, паднале на полјана во непосредна близина на училиштето.