Научна конференција по повод 70 години Институт за педагогија
Институтот за педагогија при скопскиот Филозофски факултет, од денеска до 21 септември во Охрид организира Mеѓународна научна конференција на тема „Педагогијата во современото глобално општество“.
Поводот е одбележувањето на 70-годишнината од постоењето на Институтот за педагогија, еден од најстарите институти на Филозофскиот факултет при Универзитетот „Св. Кирил и Методиј“ во Скопје.
На Меѓународната научна конференција ќе учествуваат универзитетски професори и стручњаци од Македонија, Италија, Финска, Германија, Русија, Турција Словенија, Србија, Хрватска, Босна и Херцеговина, Романија, Албанија и др.
Научната конференција, според најавата од организаторите, ќе биде можност за разгледување на актуелни прашања и проблеми на воспитанието и образованието кои денес поминуваат низ состојба на криза и експанзија, на глорификација и негирање, на противречности меѓу теоријата и практиката.
На конференцијата ќе бидат разменети современи научни сознанија и позитивни практики за воспитанието и образованието согледани низ призмата на новите глобални општествени случувања.
Ново на Сител
-
Колку пациенти добиле пролонгирање на хируршка интервенција?
-
Надоместок од 3000 денари за несовесните граѓани кои ги оштетуваат рампите
-
Преглед на вестите од светот
-
Teма на денот со д-р Марјан Шокаровски, Државна Кардиохирургија
-
Почна полагањето на државна матура, првпат во ходници и сали
-
Премиерот и 6 министри седат на две столчиња
-
Почна полагањето на државна матура, првпат во ходници и сали
-
Алармантно предупредување во скопските училишта: Постои тренд на самоповредување кај учениците