НБА: Волтон ќе го менува системот на игра во Лејкерси

 

Новиот тренер на Лос Анџелес Лејкерс, порaнешниот играч на овој клуб, Лук Волтон, има намера во „Стејплс Центар“, да ја донесе добитната комбинација од Голден Стејт Вориорс.

 

Волтон беше помошник на Стив Кер, а сезонава на 43 натпревари самостојно го водеше тимот на Голден Стејт и забележа само четири порази.

 

Екс играчот од шампионскиот тим на Лејкерси нема намера да го задржи системот кој во овој тим го донесе Фил Џексон, односно фамозниот напад во триаголник.

 

„Мислам дека таков напад не одговара на профилот на играчи кои ги има ЛА Лејкерс. Стилот на игра ќе биде сличен на оној на Голден Стејт“, рекол Волтон.

 

Волтон со Лејкерси потпишал петгодишен договор, а медиумите шпекулираат дека ќе заработува помеѓу пет и шест милиони долари годишно.

 

Лејкерси во последните три сезони не успеваат да се пласираат во плејофот,  а оваа сезона го имаа вториот најлош резултат во НБА лигата.