НБА:Тибодо на чело на Минесота

Тим Тибодо е именуван за нов тренер на кошаркарите на Минесота, објави клубот на својата официјална интернет страница. Тибодо на клупата го наследи Сем Мичел, кој сезоната ја заврши со 29 победи и 53 порази, а воедно ќе ја обавува и функцијата генерален менаџер.

 

Минесота ќе биде вториот тим во НБА лигата, кој Тибодо ќе го предводи самостојно, претходно од 2010 до минатото лето тој беше тренер на Чикаго.

 

Тибодо тренерската кариера ја започнал токму во Минесота, во овој тим бил асистент од 1989 до 2002 година. Потоа бил помошник тренер во Сан Антонио, Филаделфија, Њујорк, Хјустон и Бостон.

 

Како дел од стручниот штаб на Бостон, задолжен за развивање на играта во одбрана,  успеал  да го освои шампионскиот прстен.

 

Во 2010 година тој се сели во Чикаго, што му е прва самостојна тренерска работа, а веќе наредната година е прогласен за најдобар тренер во НБА.

 

Тим Тибодо е тренер кој најбргу стигнал до 100 победи во кариерата, а со Чикаго има и настап во едно финале во Источната конференција (2012).

 

Како тренер тој има скор од 255 победи и 139 порази.