Епидемијата на колера во Јемен излегува од контрола
Епидемијата на колера, која го зафати Јемен, излегува од контрола, секоја минута се разболува по едно дете, предупреди денеска меѓународната хуманитарна организација „Спасете ги децата“.
Илјадници лица можат да умрат од болеста следните месеци, предупредуваат експертите и додаваат дека постои можност да се заразат до 300 илјади лица.
„Спасете ги децата“ нагласи дека бројот на заболените деца тројно се зголемил изминатите недели.
Граѓанската војна, која беснее во арапската земја, предизвика глад и недостиг на чиста вода, со што се интензивира и ширењето на колерата, цревно заболување, кое може да убие човек за неколу часа.
Здравствениот систем на земјата не е во можност да се справи со ситуацијата. Болниците се преполни, а недостигаат лекарства и инфузии.
Епидемијата изби кон крајот на април и според УНИЦЕФ досега починале над 920 лица, а регистрирани се 124 илјади случаи на заболувања, од кои речиси половина се деца. Над два милиона деца во земјата се неухранети и тие поради падот на имунитетот полесно можат да заболат.
Ново на Сител
-
ОДИХР со над 300 набљудувачи на гласачките места низ земјава, заклучоците ќе ги соопшти утре
-
До 11 часот во Прилеп гласале 18,09 за претседателските, 18,19 за парламентарни
-
Излезност до 11 часот во Тетово, 7,04 отсто за претседателски, за парламентарни 10,81
-
Кавадарци со 16,10 отсто излезност до 11 часот
-
Прегазена жена на регионалниот пат Струмица - Валандово
-
Излезноста до 11 часот за претседателски избори е 12,87% , за парламентарни 13,69
-
На ГП Ќафасан спречен шверц на 53,3 килограми марихуана, чија крајна дестинација била Македонија
-
На набљудувач му ги дупнале гумите на автомобилот во Радуша