Заврши 14. Интернационален фолклорен фестивал „Велес“ 2017
На сцената во амфитеатарот на Младинскиот парк во Велес синоќа свечено беше затворен годинашниот 14. ИФФ „Велес“ 2017.
Како и претходните вечери и на последната фестивалска вечер пред бројната повеќе илјадна публика настапија фолклорни ансамбли од: Хрватска, Бугарија, Романија, Словенија и Фолклорниот ансамбл „Вила Зора“ од Велес.
Како што изјави Томе Јаневски претседател на организацискиот одбор, тие се задоволни од годинашното издание и што годинава фестивалот имал најмногу учесници и најбројна публика.
- ИФФ„Велес“ од годинава во година станува се поинтересен со се поголем број учесници фолклорни друштва од цел свет и со се побројна публика што ни дава елан и натаму да продолжиме со уште поголем успех, истакна тој.
Годинава граѓаните на Велес и гости од други градови во земјава во преполниот амфитеатар на отворена сцена во Младинскиот парк од 4 до 8 јули уживаат во песните, ората, танците и традициите кои им ги презентираа ансамблите од Хрватска, Црна Гора, Србија, Бугарија, Романија, Словенија, Украина, и на македонско фолклорно друштво од Австралија.
Домашните ансамбли беа од Велес, Скопје, Битола, Делчево, Радовиш и Богданци.
Учесниците на фестивалот во изминатите пет дена имаа можност и да се запознаат со бројните културно историски споменици на Велес, а ги посетија и Скопје и Охрид.
Популарно од Македонија
Ново на Сител
-
Автомобил ја проби блокадата во Белград и удри студент | ВИДЕО
-
Четири возила учествувале во сообраќајната несреќа на патот Куманово-Крива Паланка
-
Врнeжи од снег во Берово, Делчево и на планинскиот превој Плетвар, не се пречка за сообраќајот
-
Кривична за два полицајци - неовластено му го ограничиле движењето на турски државјанин
-
„Росавијација“: Авионот на „Азербејџан ерлајнс“ ја промени рутата поради густа магла и закана од украинските дронови
-
Обвинителството оформи предмет по допрен глас за изјавата на Мицкоски дека бил следен
-
Дурмиши: Доколку продолжат со зголемување на цените, одлуката за замрзнување на цените е подготвена
-
Протестен марш против аерозагадувањето утре во Скопје
