Гутереш: Антисемитизмот се уште е жив
Генералниот секретар на ОН Антонио Гутереш изјави дека антисемитизмот се уште е жив во современиот свет и најави борба против сите манифестации на расизам и нетолеранција.
Гутереш, оваа изјава ја даде во меморијалниот центар на холокаустот „Јад Вашем" во Израел пред да се сретне со израелскиот и палестинското раководство, за да ги охрабри да продолжат со мировниот процес.
- Сметам дека со оглед на ужасите на Холокаустот, антисемитизмот требаше веќе да е мртов засекогаш, рече тој и додаде дека бил шокиран кога слушнал „група неонацисти во една од најразвиените земји во светот да го скандираат нацистичкиот слоган - Крв и земја".
Вчера Гутереш пристигна во тридневна посета на Израел и на палестинските територии.
На состанокот во Ерусалим, израелскиот претседател Реувен Ривлин го повика генералниот секретар да стави крај на односот што се демонстрира кон Израел во некои институции на ОН, опишувајќи го како „дискриминација“.
Гутереш рече дека е посветен на третирање на „сите земји подеднакво". Тој ги опиша како „манифестација на современ антисемитизам" повиците за уништување на Израел, но во исто време изјави дека не секогаш се согласува со политиката на Израел.
Премиерот Бенјамин Нетанјаху му рекол на Гутереш дека Иран гради во Сирија и Либан објекти за производство на ракети со прецизно насочување, со цел да ги искористи против Израел.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228