Трамп: Разговори со Северна Кореја не се решение

Американскиот претседател Доналд Трамп ја отфрли денеска можноста за дипломатски преговори со Северна Кореја, еден ден откако Пјонгјанг истрела балистичка ракета со среден дострел преку Јапонија, поради што беше осудена од целата меѓународна заедница.

- САД разговараат со Северна Кореја и им исплаќаат пари за изнуди вече 25 години. Разговор со Пјонгјанг не е одговор!, напиша Трамп на Твитер.

Тој вчера истакна дека светот ја примил пораката од Северна Кореја и сега сите опции се наоѓаат на маса.