Трамп им донираше еден милион долари на хуманитарни организации

Американскиот претседател Доналд Трамп и неговата сопруга Меланија им донираа еден милион долари на 12 хуманитарни организации, кои учествувале во обновување на штетите од ураганот „Харви“, соопшти Белата куќа.

Според портпаролката на Белата куќа, Сара Сандерс, Црвениот крст и Армијата за спас добиле по 300.000 долари, а „Рич аут Америка“ и „Самаритаз Перс“ добиле по 100.000 долари.

Останатите 200.000 долари ги поделиле осум организации.