Таравари се сретна со генералниот директор на СЗО

Министерот за здравство Арбен Таравари вчера во Будимпешта се сретна со генералниот директор на СЗО, Тедрос Аданом, соопшти Министерството за здравство. 

На средбата министерот Таравари уште еднаш ја потенцира важноста на партнерството со СЗО, континуираната соработка, како и подготвеноста на Министерството за позитивни реформи.

Ова е прва средба на македонски министер за здравство со генерален директор на СЗО по речиси 20 години, стои во соопштението од Министерството за здравство.