Нема нови заболени од морбили, препорака вакцинацијата да биде приоритет
Центарот за јавно здравје-Скопје информира дека нема пријавени нови случаи на заболени од морбили и оти се во добра здравствена состојба петте лица кај кои беше регистрирано ова заболување и во петокот е прогласена ограничена епидемија во областа Кванташка депонија во општина Гази Баба.
За време на викендот се вакцинирани околу сто лица, кои биле во непосредба близина со заболените и кои не се вакцинирани или немаат потврда за вакцинација на територијата на општината каде е прогласена епидемија.
Екипи од Центарот за јавно здравје Скопје и Институтот за јавно здравје заедно вршат дополнителна проверка на вакциналните картони и ги повикуваат невакцинирани или непотполно вакцинирани деца. Воедно, наложено е на сите здравствени домови во државата, приоритет да им биде вакцинација, односно ревакцинација во училиштата против морбили, рубеола и паротит.
- Екипите за имунизација, доколку има потреба, на територијата на поедини подрачја ќе вршат и теренска вакцинација, со цел изнаоѓање непријавени и воопшто невакцинирани деца на територијата на град Скопје, се вели во соопштението од Центарот за јавно здравје.
Ново на Сител
-
СПМ: Ковачевски, Фатмир Битиќи и Бојан Маричиќ за грешките мора да си одат и да одговараат
-
Неготинец нападнал малолетник во сендвичарница
-
ССМ ги повикува работниците на протест по повод Меѓународниот ден на трудот 1 Мај
-
Хоспитализирани четири лица со голема кашлица, нови 27 случаи
-
Продолжува кампањата за претседателски и парламентарни избори на 8 мај
-
Свечена промоција на нови полициски службеници во Идризово
-
Во понеделник ќе се знае дали ќе поскапи полисата за задолжителното авто осигурување
-
Кикбоксерот Бобан Илиоски светски првак во ВАКО ПРО