Раул: Сакам победа пред полна сала

Ракометарите на македонскиот и европски шампион Вардар во недела ги очекува нов натпревар од Лигата на шампионите во рамките на 3.коло „црвено-црните“ се домаќини на големиот ривал од Лигата на шампионите и од СЕХА лигата ППД Загреб.

- Не очекува тежок натпревар. Загреб е цврста екипа која знае да ја менува одбраната од 6-0 и 5-1 (со Вори). Како и да е ние сме фаворити, но треба да имаме почит за ривалот. Како и да е сакам победа пред полна сала, изјави тренерот на Вардар Раул Гонзалез.

Ривалството на двата тима е големо и трае неколку сезони.

- Добро се познаваме со Загреб. Тоа е кипа која лани ни го нанесе првиот пораз. Со Нант нападот не ни функционираше на потребното ниво. Како и да е ние сме фаворити на овој дуел, потенцираше капитенот Стојанче Стоилов.

Во таборот на Вардар не извесен е настапот на повредените Игор Карачиќ и Страхиња Милиќ, кои најверојатно и овој дуел ќе мора да го прескокнат. 

Натпреварот Вардар - Загреб се игра во недела на 1.октомври со почеток во 17 часот во СЦ „Јане Сандански“.