Концерт на Данила Јефремов и Иван Калатај во Охрид

Руските уметници Данила Јефремо-кларинет и Иван Калатај-фортепијано вечер ќе одржат концерт во Центарот за култура „Григор Прличев“ во Охрид.

Пред охридската публика, руските уметници ќе се претстават со делата на Стравински, Танеев, Гречанинов, Розенблат, Рахманинов, Сабитов и Шопен.

Концертот е во организација на Амбасадата на Руската Федерација во Република Македонија, Санкт-Петербуршкиот Дом на музиката и Центарот за култура „Григор Прличев“ во Охрид, со поддршка на Министерството за култура на Руската Федерација. 

Влезот на концертот е слободен.