БиХ ќе аплицира за членство во ЕУ на почетокот на 2016

Босна и Херцеговина планира на почетокот на 2016 година да поднесе официјално барање за прием во ЕУ, информираа членовите на босанското Претседателство на средба во Сараево со високиот претставник на меѓународната заедница во БиХ, Валентин Инцко.

Како што јави ФЕНА, главна тема на синоќешната средба на членовите на Претседателството на БиХ со Инцко биле политичко-економската состојба во земјата и активностите за исполнување на условите за членство на Сараево во ЕУ и НАТО.

Членовоте на Претседателството во разговорите истакнале оти нивни заеднички став е дека треба да се работи на донесување одлуки во интерес на напредокот на БиХ и за исполнување на условите за поднесување апликација за членство на земјата во ЕУ.  

Тројцата членови на Претседателството нагласиле и дека имаат јасна определба да работат на унапредување на полиитчко-економската состојба во земјата.